Iklan

Iklan

Tapilih jadi Utusan Sulut Putri Kebudayaan Galatia Karamoy Mo Kase Lia Sulut Pe Andalan

September 12, 2021, 23:18 WIB Last Updated 2021-09-12T15:18:17Z

 

Galatia Karamoy

MINAHASA  - Tu acara pemilihan Putra Putri Kebudayaan so sampe di tingkat nasional. Dorang mo beking tanggal 18-21 November 2021 di Jogjakarta. Ni acara banyak orang suka dan samua daerah da ba utus depe juara termasuk ley deng Sulawesi Utara.


Tu kegiatan yang ja beking tiap taon ini dapa puji dari banyak orang karna depe thema yang kase angka tu budaya deng mo kase berkembang tapi ada juga yang ba saring kalo ada budaya luar yang nda bagus.




Di tingkat nasional Sulawesi Utara utus depe Putra Putri terbaik Natanael Tenni deng Galatia Karamoy yang sebelumnya dorang so sukses di tingkat daerah dan dapa utus  jadi wakil Sulut di tingkat lebe tinggi yalni tingkat nasional. 


Skarang ini Natanael deng Galatia sementara da ba iko persiapan deng ja kase pembekalan dari tu tim One Point Management supaya dorang bole lebe jago di acara yang dorang mo iko akang. "Galatia deng Natanael minta dukungan neh deng torang mo berusaha for dapa hasil bagus,"Galatia bilang waktu dabakudapa di Mezzo resto & Cafe di Manado hari minggu(12/9/2021).



Parampuan fasung dari Touliang Oki, kecamatan Eris, Kabupaten Minahasa ini dapa dukungan fol dari keluarga supaya trus maju deng terus berkembang di kegiatan yang bagus dan bermanfaat. Tu lomba lomba babagini so cukup sering Galatia ja iko akang. Galatia skarang lagi dudu di semester 7 Fakultas Ilmu Budaya di Universitas Sam Ratulangi Manado.




"Terima kasih for tim One Point Management, kak Rian Rizky Rusland deng kak Marissa yang trus bina deng ajar pa torang supaya lebe bagus for mo iko di tingkat nasional nanti, "Galatia se tambah.


Kase trus tu langkah anak anak muda, maju terus deng kase lia tu kemampuan terutama mo kase maju deng kembangakan tu budaya daerah supaya tu anak anak di masa depan bole cari kenal deng suka tu budaya. (Hence Karamoy)

Baca Juga

Komentar
Komentar sepenuhnya menjadi tanggung jawab komentator seperti diatur dalam UU ITE. #JernihBerkomentar
  • Tapilih jadi Utusan Sulut Putri Kebudayaan Galatia Karamoy Mo Kase Lia Sulut Pe Andalan

Terkini

Iklan