Tersangka saat di amankan
Minahasa. So banyak bukti tiap ada kejadian karna mabo bagate. So sama yang baru baru ini da jadi. Tim Resmob Polres Minahasa hari Jumat, (27/8) jam 04.00 Wita pi loku tu tuama berinisial RM alias Timbul (27) Tahun yang depe Alamat di Desa Raringis Kecamatan Langowan barat karena dong duga da ba beking persoalan pake piso tajang yang depe akibat Lelaki berinisial GW (24 Tahun) mati.
Dari tu laporan kata hari Jumat 27 Agustus 2021 sekitar jam 02.00 wita di Desa Raringis Jaga II kecamatan Langowan Barat depe pas di jalan desa di Keluarga Mokalu - Kojongian pe kintal jadi ni kejadian yang beking GW mati.
Pe dengar jo tu laporan nda sampe 24 jam Tim Resmob Polres Minahasa langsung loku tu pelaku RM alias Timbul deng barang bukti piso yang dia ada pake di Tampa jadi persoalan.
Saat dong loku tuama RM alias Timbul (27) mangaku dia yang da ba bunuh deng cara dia ada tikang pa korban tuama lelaki GW (24) pake piso tajang, deng tersangka so mangaku kalo piso itu dia punya.
Kapolres Minahasa, AKBP. Tommy Bambang Souissa, SIK melalui Kasubag Humas Polres Minahasa, IPTU. Robin Langi bilang memang butul tu ada pi ba loku itu. Tu tersangka tuama berinisial RM alias Timbul (27 Tahun) Alamat Desa Raringis Kecamatan Langowan barat deng tu barang bukti so di simpan di mapolres Minahasa.
" Tersangka akan dilakukan pemeriksaan lebih lanjut oleh sat reskrim polres minahasa," ungkap Kasubag Humas Polres Minahasa IPTU Robin Langi. (Hence Karamoy)
%20(2).jpeg)
%20(10).jpeg)